Në mjediset e Ministrisë së Infrastrukturës dhe Energjisë u krye firmosja e kontratës së koncesionit me objekt “Përmirësimi, ndërtimi, operimi dhe mirëmbajtja e Rrugës së Arbrit”. Në përfundim të procesit të negocimit, kontrata me kompaninë fituese të garës u firmos nga Sekretari i Përgjithshëm i Ministrisë së Infrastrukturës dhe Energjisë z.Gentian Keri dhe Presidenti i kompanisë “Gjoka Konstruksion” z.Rrok Gjoka.

Në përfundim të ceremonisë së firmosjes, Ministri i Infrastrukturës dhe Energjisë z.Damian Gjiknuri deklaroi se kontrata u përmbyll pas një procedure të gjatë konkurimi dhe negocimi investiv.

“Jemi shumë të bindur që shoqëria, nga diskutimet dhe ato çka na prezantoi gjatë negociatave të kontratës i ka marrë të gjitha masat që brenda afateve të përcaktuara në kontratë, pra brenda këtij viti do të realizohet pjesa e financimit dhe fillimi i punimeve të rrugës. Është një nga veprat e rëndësishme, një lajm shumë i mirë për qytetarët shqiptarë por mbi të gjitha për qytetarët dibranë të cilët prej shumë vitesh e kanë pritur këtë rrugë”, u shpreh ministri Gjiknuri.

Sipas tij, kemi të bëjmë me një të vështirë, një vepër të rëndësishme por që do të jetë nga pikëpamja inxhinierike, një nga veprat më të realizuara në Shqipëri.

“Është një vepër që do të kushtojë 240 milion euro dhe në këtë kontratë ne kemi parashikuar që shteti do të marrë përsipër të likuidojë kontraktorin brenda një periudhe 13 vjeçare. Kontraktori do të marrë përsipër të ndërtojë rrugën në fillim me shpenzimet e tij dhe mirëmbajtjen e kësaj rruge gjatë gjithë periudhës së koncesionit”, theksoi Gjiknuri.

Duke sqaruar se kjo është eksperienca e parë e firmosjes së një kontrate të tillë, ministri Gjiknuri sqaroi se do të vazhdohet edhe me projektet e tjera të mëtejshme të Partneritetit Publik-Privat.

“Siç tashmë publiku është i njohur, kemi disa projekte të cilat ne gjatë këtij viti do ti tenderojmë, do ti negociojmë, do ti kontraktojmë dhe jam i bindur që viti 2019, 2020, 2021 do jetë vite të kantiereve të mëdha të ndërtimit. Unë i uroj shumë suksese kompanisë dhe jam i bindur se do kemi një projekt të suksesshëm dhe sëbashku do shkojmë tek qytetarët dibranë për tu dhënë lajmin e mirë”, nënvizoi Gjiknuri.

Ndërkaq, Presidenti i “Gjoka Konstruksion” garantoi se kompania do të zbatojë me rigorizitet angazhimet e marra përsipër në këtë kontratë koncesioni.

“Falënderoj qeverinë dhe ministrin për besimin. Më në fund duket që qeveria ka filluar të besojë tek kompanitë shqiptare. Premtoj që nuk do të zhgënjej, do ta realizojmë në cilësi dhe në afat”, u shpreh Gjoka.

AZHR2 ju fton te aplikoni!

Klikoni ne linkun e meposhtem

https://form.jotformeu.com/CEFEInternational/aplikime-idea-2018

 

 

Në kuadër të mbështetjes të komponentit “Pjesmarrja sociale e të rinjve në nevojë dhe grupeve të minoriteteve”, GIZ - ProSEED së bashku me Agjencinë për Zhvillim Rajonal 2 (Tiranë-Durrës-Dibër), kanë kënaqësinë të ftojnë organizatat me eksperience të shoqërisë civile të këtij rajoni të marrin pjesë në sesionin e informimit mbi “Thirrjen për Propozime”

 

 

 

E Hënë 24 Korrik 2017

 

Tirana International Hotel

 

Salla Metropol

 

Ora 10:00

 
Ju mirëpresim!

 

 

Në datë 23 Prill 2017, ora 11:00 organizohet aktiviteti  "Zhvillimi ekonomik, turizmi dhe trashëgimia kulturore e Vorës" në Kalanë e Prezës.

Traditat dhe trashëgimia kulturore janë një mundësi e madhe e zhvillimi social-ekonomik dhe turizmit. Për të shijuar këtë traditë ju ftojmë në eventin: 

"Zhvillimi ekonomik, turizmi dhe trashëgimia kulturore e Vorës" 

Përgjatë ditës do të zhvillohet aktiviteti në vijim, mbështetur nga AZHR 2:

 

 Ditët Dibrane dhe Matjane në Tiranë

 

Artizanë, subjekte turistike, agroturizëm, atraksione turistike, kulinari, takime dhe biseda për figura të shquara të Qarkut Dibër, ekspozita fotografike, paradë kostumesh popullore, dokumentarë, sporte, këngë e valle tradicionale... Panairi "Ditët Dibrane dhe Matjane në Tiranë", i organizuar në datat 8-9 prill 2017 në sheshin kreativ Pazari i Ri, është kthyer në një festë të vërtetë në kryeqytet. Kjo nismë e ndërmarrë nga Agjencia për Zhvillim Rajonal 2 dhe bashkitë Dibër, Bulqizë, Mat dhe Klos, ka sjellë në Tiranë më shumë se 45 subjekte turistike dhe të biznesit, artizane, grupe artistike popullore etj., të cilët janë pritur me interes nga publiku kryeqytetas. Gjatë këtij panairi, i cili u mbeshtet edhe nga Telekom Albania, Fondacioni Shqiptaro-Amerikan për Zhvillim, Fondacioni CNVP dhe GIZ, janë shpallur edhe fituesit e konkursit "Trego bukuritë e vendlindjes tënde". Qëllimi i këtij konkursi ishte promovimi i vlerave turistike të Dibrës. Për rreth një muaj të rinjtë dibranë morën pjesë në këtë konkurs kreativ ku u regjistrua një numër i lartë aplikimesh. Me fotot e tyre ata konkuruan në të gjitha kategoritë e konkursit, por më shumë me atraksionet turistike dhe fshtara të bukur. Pjesëmarrje aktive ka pasur, jo vetëm nga konkuruesit, por edhe nga numri i lartë i atyre që vizituan dhe votuan fotot e dërgura në faqen e Facebook dhe në internet (3100 votime për kandidatët).

 

Në fund, fitues i ҫmimit të parë për bashkinë Dibër u shpall, Renato Rustani;

 

Fitues i ҫmimit të parë për bashkinë Bulqizë u shpall, Shkëlzen Terziu; 

 

Fitures i ҫmimit të parë për videon më të mirë u shpall Erjon Pano;

 

Ndërsa Fitues i Cmimit të Parë Rajonal u shpall Klevi Hakorja i bashkisë Dibër me 505 vota.

 

Me fotot e konkurentëve do të zhvillohet një ekspozitë në qytetet Peshkopi dhe Bulqizë. Fotot do të përdoren për të promovuar zhvillimin e turizmit të rajonit Dibër në faqet e internetit, broshura promovuese etj. 

 

 

 

 

 

 

Partnerët

  • ADC-Logo.jpg
  • 7.jpg
  • SDC-Logo.jpg
  • Min-Infrastruktures-energjise.jpg
  • minturizmit.jpg
  • 4.jpg
  • MIn-bujqesi.jpg

Thirrje për Projekte

  • Thirrja per aplikime Janar 2017
  • Thirrja per aplikime Shkurt 2017
  • Thirrja per aplikime Mars 2017
  • Thirrja per aplikime Prill 2017

 

Fotogaleria

Foto nga Aktivitetet

 

Abonohu

Kontakt

Agjencia për Zhvillim Rajonal 2
Adresa: Rr. Skënderbej 6/1/7
Tirana, ALBANIA

Mail: info@rda2tirana.org.al